Nú eru danskir og norðurlendskir tónleikaskaparar tryggjaðir gjald, tá teirra tónleikur verður spældur á sosiala miðlinum TikTok.
Polaris Hub er eitt samváðafelag millum tey norðurlendsku upphavsrættindafeløgini Koda (DK), TONO (NO) og Teosto (FIN). Polaris Hub hevur gjørt eina avtalu við TikTok, sum samstundis eisini fevnir um íslendska upphavsrættindafelagsskapin, STEF.
Donskum og norðurlendskum tónleikaskaparum er nú tryggjað gjald, tá teirra tónleikur verður spældur á sosiala miðlinum TikTok. Polaris Hub hevur gjørt eina avtalu við TikTok, ið er galdandi fyri tónleikin og tey økini, sum upphavsrættindafelagsskapirnir í Norra, Finnlandi, Danmark og Íslandi umboða. Ein avtala sum er enn eitt fet á vegnum til at tryggja gjald til danskar og norðurlendskar tónleikaskaparar, tá teirra tónleikur verður brúktur á sosialum miðlum og talgildum platformum.
”Vit eru vælnøgd við endiliga at hava fingið eina avtalu við TikTok, sum er ein av teimum størstu tónleikatænastunum í norðurlondum. Við avtaluni fáa okkara limir nú gjald fyri tað virði, sum teir eru við til at veita tænastuni og allir privatir brúkarar, ið skapa og deila kreativt innihald á TikTok, fáa eisini trygd fyri at rættindini hjá upphavspersónum verða vird,” sigur stjórin í Koda, Gorm Arildsen.
Polaris Hub er eitt samváðafelag millum teir norðurlendsku upphavsrættindafelagsskapirnar Koda (DK), TONO (NO) og Teosto (FIN). Polaris Hub ger avtalur um brúk av tónleiki á talgildu tónleikatænastunum vegna teir tríggjar felagsskapirnar. Polaris Hub hevur eisini fingið í lag norðurlendskar avtalur við Meta (Facebook og Instagram), Apple, Spotify, YouTube og SoundCloud. Samstarvið tryggjar rættindahavarunum færri útreiðslur og skjótari útgjald, umframt at veita betri tænastu til kundarnar.
