Kollektive båndmidler

UANI QINNUTEQARIT

Kolletive Båndmidler/Båndinut akitsuutinit isertitat tamanit qinnuteqarfigineqarsinnaasunut kingusinnerpaamik qinnuteqarfissaavoq sisamanngorneq 1. februar 2018 nal. 15.00

De kollektive båndmidler pillugit nassuiaat

Kodas kollektive båndmidler tassaapput immiussivigineqarsinnaasut nioqqutigineqarneranni akitsuutinit isertitat. Kattufiit allat assigalugit Koda Copydanimiit aningaasanik pisarpoq, taakkua isertitaapput, Kulturplus, CD-t, dvd-t, USB-t, memorycardit, mini disc-it kiisalu båndit tusarnaagassiat isiginnaagassiallu nioqqutigineqarneranni akitsuusiinikkut isertitat. Taakkua pingasorarterutaat inatsisit naapertorlugit Kodas kollektive båndmidler aqqutigalugit agguaanneqartartussaapput.

De kollektive båndmidler aqqutigalugit siunertaq 
  • Inuit ataasiakkaat qallunaat nipilersugaannut filmiliannullu mlunnaatilimmik immikkoortumik nutarterutaasumillu piginneqaartutut eqqumiitsuliortutullu tapiisut taperserneqarnissaat.
  • Qanorluunniit nipilersoriaasilinnut tapiinissaq.

Atuaruk regulativet Kodas kollektive båndmidler pillugit malitassat. 

Kina qinnuteqarsinnaava?
  • Erinniortut taalliortullu, nunami suminngaanneernerat kiisalu Kodamut ilaasortaanerat apeqqutaatinnagu
  • Nuusiorfiit ingerlatsiviillu piginneqqaartut peqatigisussatut pilersaarutaannut qinnuteqartut (piginneqqaartut uppernarsaasiinerat piumasaqaataavoq).

MALUGIUK: Ukiup kingulliup ingerlanerani taperneqarnikut, ukiuni tulliuttuni marlunni agguaasarnerni taperneqarsinnaasanngillat.

Qinnuteqaammut piumasaqaatit

Qinnuteqaatinni piumasaqaatit tallimat naammassineqassapput:

  1. Immiunniakkap annersaata nammineq erinniarinikuunissaa (70% miss.).
  2. Musikfilit qinnuteqaammut ilanngunneqarput. Nipilersukkat pitsaassusaat ataatsimulu isigalugu anguniagaq ataatsimiititaliamit nalilerneqarsinnaassaaq.
  3. Suliariniagaq piviusorpalaartuussaaq piviusunngortinneqarsinnaassallunilu. Piviusunngortissinnaaneranut soorlu ilaasinnaapput immiussivimmik isumaqatiginnereersimaneq imaluunniit tusarnaartitsisarnissat assigisaallu pillugit isumaqatigiissuteqareersimaneq.
  4. Fuldmagt/pisinnaatitsissut uunga nassiunneqassaaq cif@koda.dk, ataatsimiititap nalilersuinnginnerani nammineq taperneqarnissat imaluunniit erinniortut taalliortulluunniit arlallit sinnerlugit qinnuteqaruit.  Pisinnaatitsissut qinnuteqaammut ilanngunneqanngippat itigartitsisoqarsinnaavoq.
  5. Aningaasartuutissat piviusorpalaartutUani takusinnaavat, saqqummersitsinissasariaqanngillat aningaasartuutissat missingersornerisa qanoq isikkoqarsinnaanerannut assersuut. Taanna ilitsersuutaannaavoq, immersuiffissallu tamarmik taamaammat immersorsimasariaqaratik. Tusarnaartitsinissanut atugassatit qinnuteqaatigigukkit, aningaasartuutit missingersorneri pillugit immersuinissamut siunnersuut aajuna
Tapiissutit sunut atorneqartussaappat?

Makkununnga atugassannik qinnuteqaateqarsinnaavoq:

  • Sulinissamut aningaasaliissutit (soorlu Erinniortut akissarsiaat) kiisalu ilinniarnerup nalaani tapiissutit  
  • Tunisassiorneq (cd-, vinyl-, digital-, video-, kiisalu nuutinik allakkanik saqqummiineq)
  • Angalanissamut aningaasaliissutit
  • Tusarnaartitsinerit
  • Eqqumiitsulioriaatsit arlallit ilanngullugit suliariniakkat

Makkununnga atugassanut qinnuteqarsinnaanngilatit:

  • Aningaasartuutigeriikkat matussusernissaannut
  • Atortut pisattallu
  • Nipilersugassiat kikkunnit tamanit nipilersugarineqarsinnaasut
Tapiissutit annertussusaat

Tapiissutit annertunerpaaffissaat aalajangerneqarnikuunngilaq. Nalinginnaasumik 10.000 - 20.000 kr. akornanni tapiisoqartarpoq. Annertuumik suliariniagaqartoqartillugu annertunerusumik tapiisoqarsinnaavoq.

Qinnuteqaatiga kikkut nalilersorpaat?

Kodap Legatinut ataatsimiititaliaata qinnuteqaatit nalilersussavaat. Kodap ataani ilaasortat peqatigiiffii sisamat;  DKF, DJBFA, DPA kiisalu Musikforlæggerne, ukiut tamaasa ataatsimiititami sinniisussaminnik toqqaasarput. 

Kodap Legatinut ataatsimiititaa, 2018
  • Martin Stauning (DKF – Dansk Komponistforening)

Martin Stauning 2016imi oktobarimi Det Kongelige Danske Musikkonservatoriumimi kisimiillutik nipilersortartut akornanni nipilersoqataaqqaarpoq. Taassuma ilaatigut makkua ilinniartitsisorinikuuai Hans Abrahamsen, Bent Sørensen kiisalu Niels Rosing-Schow. Martin nipilersoqatigiinnut assigiinngitsorpassuarnut nipilersugassiortarnikuuvoq kiisalu nipit atorlugit saqqummiisarnikuullunilu performance samminikuullugu. Martini 2015imi Axel Borup-Jørgensens komponistprisimik nersornaaserneqarpoq kiisalu 2016imi Léonie Sonning Stipendiumimit kiisalu Carl Nielsen og Anne Marie Carl-Nielsens legatimik taperneqartarluni. 

  • Anja Følleslev (DJBFA)

Anja Følleslev marluliaqatinilu Betina Følleslev nipilersoqatigiit Strawberry Blonde peqatigaat, taakkua marloriarlutik nuuteeqqanik saqqummersitsinikuupput – siullermik 2009mi tullianilu 2012imi, 2018imilu saqqummersitassaat naammassingajalerluni. Taanna kisimiilluni aamma ingerlataqarpoq, taasaminik The Red House. Anja Følleslev ulluinnarni Odensemi Studenterhuset pisortaaffigaa. 

Anja Følleslev aamma tusarnaartunut ataatsimiititaq UHØRT ilaasortaaffigaa kiisalu naliliisartutut Odense Live Prisen aamma Årets Fynske jazzmusiker peqataaffigalugit. 

  • Peter Mesnickow (Musikforlæggerne)

Erinniortoq Peter Mesnickow Tarfet Groupmi nioqqutassianut, nipilersortartunut nipilersugassaannullu kiisalu nittarsaanermut akisussaasuuvoq (product, A&R og promotion manager), ukiunilu 25ni immiussisarfinni saqqummersitsisarfinnilu sulinikuulluni. Atuagassiani nipilersornermut tunngasuni aamma taanna allaaserisaqartarnikuuvoq kiisalu nipilersortarfinni soorlu klubbini The Black Cat-imi amma Faust-imilu aliikkusersuisussaqartitsisuullunilu alutornartunik susassaqartitsisuulluni. Immiussisarfinni suligallarami tusaamasarpassuit soorlu Martin Hall, Agnes Obel, Kenneth Bager, Nightwish, Vi Sidder Bare Her, Dimmu Borgir, Tue West, Saturnus, Juncker, The Savage Rose alllarpassuillu suleqatigisarnikuuai. 

  • Sara Indrio Jensen (DPA – Danske Populær Autorer)

Nipilersortartoq, erinarsortartoq erinarsugassiortorlu Sara Indrio Jensen rytmisk musikkonservatoriumimi percussionistitut ilinniarnikuuvoq. Taassuma ilaatigut Eric Gadd, Savage Rose aamma Rebecka Törnqvist allarpassuillu nipilersoqatigisarlugillu immiusseqatiginikuuai. Sara Indriop kisimiilluni saqqummersitaasa pingajuat ”Blodrød måne” 2017imi februaarimi saqqsummerpoq. Taassuma aamma nipilersortartut pikkorissut qallunaat nunanillu allaneersut assigiinngitsut ilagalugit marlunnik saqqummersitseqataanikuuvoq; Break of Day med Fridolin Nordsø kisialu The Latin Collective Vol. 1.   

Legatinut ataatsimiititap suut pingaartittarpai?  
  • Suliariniakkap ilumoorussaarpasinnera kiisalu qinnuteqartup qanoq inissisimanera erseqqarissalluni.
  • Suliariniakkap ersarissumik nassuiarsimanissaa kiisalu qinnuteqartup Kodamut ilaasortatut peqataanissaa ersarissuussalluni.
  • Qinnuteqaat naapertorlugu suliariniakkap piviusunngortinnissaata ilimanarsinnaasutut nalilerneqarsinnaassaaq.
  • Immiussat annersaasa nammineq erinniarinikuunissaat piumasaqaataavoq.
  • Aningaasartuutaareernikut matussusernissaat imaluunniit atortunik pisinissat taperneqartanngillat.
  • Piareersarnermi immiussat suliariniakkap qanoq ittuuneranik kiisalu qinnuteqartup nipilersortartutut piginnaaneranik ersarissumik takutitsisinnaapput.
  • Immiussat ataatsimiititap tusagassaasa pingaarnersiorlugit tulleriiaareernissaat innersuussutigissavarput.  
Immersugassaq toqqaannartumik online imatut immersussavat
  • Taamaallaat toqqaannartumik online qinnuteqaateqartoqarsinnaavoq.
  • Qinnuteqaat imatut immikkoortiternikuuvoq ”kajumissuseq”, ”suliariniakkap nassuiaataa” kiisalu ”ilinnut tunngasut”.
  • Suliariniakkannut nassuiaat naatsukullaassaaq eqqoqqissaartuullunilu. Taamaammat suliariniakkap nassuiaataata naqinnernut 1000inut killilerneqarpoq. Tassa Word dokumentimi Times New Roman pkt. 12 atorlugit titarnerit qulit.
  • Eqqaamajuk qanoq annertutigisumik qinnuteqarnerlutit.
  • Pingaaruteqarpoq, nipilersugassianut kina/kikkut piginneqqaartuunerisa ilanngunnissaat.
  • Fil-inut immikkut piumasaqaateqartoqarpoq. Immikkoortoq Fil-inut piumasaqaatit atuakkit
  • Qinnuteqaatit pissusissamisoortumik nassiussimagukku apuunneranut uppernarsaammik nassinneqassaatit.
  • Uppernarsaammi kukkusoqarsimanersoq amigaateqarnersorluunniit misissornissaa eqqaamajuk.
  • Qinnuteqarnermut immersugassaq matoreersimagukkut ingerlaannartumik ikiorsinnaanngilatsigit.
Fil-inut piumasaqaatit
  • Nipilersukkat videollu taamaallaat mp3-tu mp4-tullu nassiunneqarsinnaapput. Fil-it soorlu converteri atorlugu formatinut allanut nuussinnaavatit.
  • Ilanngussat mp3-tut mp4-tullu nassiussat 8 MB sinnissanngilaat
  • Taallat, nuutit (allatat) kiisalu aningaasartuutissatut missingersuutit word-itut kiisalu pdf-itut uploaderlugit taamaallaat nassiunneqarsinnaapput. 
Tapiissutit imatut tunniunneqartarput

Sulinissamut, ilinniarnermut kiisalu angalanissamut legatit tunniunneqarnerat

  • Tapiinissamut aalajangiisoqarnerata kinguninngua kiisalu erinniornissamut legatit tunniunneqartarput.
  • Angalanissamut tapiissutit tunniunneqartarput, angalanermi aningaasartuutinut uppernarsaatit tunniunneqareerpata.

Suliariniakkanut tapiissutit tunniunneqarnerat (cd, vinyl, online, video, atuagaq kiisalu nuutinik allakkanik saqqummersitsineri)

Tapiissutaasut tunniutinnginnerini ukua tigunikuussavagut A: Suliariniakkap naammassineranut uppernarsaat, B: Koda-p akileeqataaneranut takussutissat kiisalu C: Aningaasatigut naatsorsuutit. Sulinissamut kiisalu angalanissamut legatit uani pineqanngillat (immikkoortoq qulaaniittoq takuuk).

Maluginiaruk piffissarititaasup iluani uppernarsaatit pisariaqartitat nassiunneqarsimassammata, ukiullu ataatsip ingerlanerani suliariniagaq naammassineqanngippat, tapiissuteqarniarnerugaluaq taamaatiinnarneqassaaq.  

A: Suliariniakkap naammassinera uppernarsaasersinnaassavat.

  • Tigussaasumik saqqummiineq (cd, nuut imaluunniit atuagaq) imaluunniit eqqumiitsuliat naqitat kiisalu naqiterivimmut NCDmit akuerisamut akiliinermut uppernarsaat.
  • Internetikkut saqqummersitat Internetikkut nioqquteqartunut imaluunniit streamingernikkut nioqquteqartunut linkit ilanngunneqassapput (Ass. spotify imaluunniit Itunes. Login piumasaqaataassanngilaq).
  • Nipilersukkanik videoliat YouTubemut ivertinneqarsinnaapput

B: Kodap aningaasaleeqataaneranut takussutissat tassaasinnaapput:

  • Saqqummiussavit saqqaani – Kodap logoa downloaderuk uani
  • Internetikkut saqqummersitsinermut ilanngullugu
  • Nammineq nittartakkami nipilersukkat akornannut ilanngullugu
  • Soundcloud kanalimi tamanut ammasumi nipilersukkanut ilanngullugu
  • Youtubekkut nipilersukkamut ilanngullugu

Facebookikkut saqqummiussat aningaasaliisunillu paasissutissiinerit uppernarsaatitut akuerisanngilagut

C: Aningaastigut naatsorsuutit

Amigartooruteqarnissamut matussutissatut tapiisoqartarpoq. Tassa ’de kollektive båndmidler’ aqqutigalugu tapiissutit allatulu isertitat, aningaasartuutigisanit annertunerussanngillat. Taamaammat naatsorsuutini ilanngunneqassapput, suliariniakkannut atatillug isertitat aningaasartuutillu. Isertitat tassaasinnaapput legatit, kattuffinnit allanit tapiissutit, saqqummersitsisarfinnit tapiissutit, crowdfunding atorlugu isertitat assigisaallu suliariniakkamut atatillugu tunniunneqartut.

  • Tapiissutit kontomut sumut nuunneqarnissaat nalunaarutigiuk
  • nr. imaluunniit soorlu Cvr-nummer naapertorlugu akileraarusigassatut nalunaarutigineqarusunnerlutit nalunaarit
Qinnuteqaammut killiliissutit akissutillu
  • Kingusinnerpaamik qinnuteqarfissaq 1. februar 2018 nal. 15.00 (Danmarkimi nalunaaqutaq)
    Qinnuteqaatit ilanngussallu ullup taassuma kingornatigut tiguneqartut suliarineqartanngillat.
  • 2018imi qinnuteqaatinnut 2018imi juunip ingerlanerani akissuteqartoqarnissaa naatsorsuutigissavat
Tapiinissamut akuerinermi
  • Tapiinissamut nalunaarnermiit suliariniagaq naammassereersimassaaq. Tapiissuteqarnissamut uppernarsaammi killiliussaq ilanngunneqassaaq.
  • Suliariniagaq ukiup ataatsip qaangiunnerani suli naammassisimanngippat, tapiiniaraluarneq unitsiinnarneqassaaq. Suliariniakkamut tassungarpiaq tapiissutissanik qinnuteqaqqissinnaatitaavutit.
Qinnuteqarniarnermi ajornartorsiutit
  • Immersugassat tamarmik immersorneqarnersut misissoruk.
  • Kisitsisit eqqortuunersut eqqortumillu inissitsitersimanersut misissoruk.
  • Suliariniakkap nassuiaataani CVmilu nazqinnerit amerlavallaat atorsimannginnissaat misissoruk.
  • Java Scriptip ikissimanera misissoruk.
  • Browseri alla, soorlu Google Chrome miliguk
  • Fil-iutitit misissukkit. Fil-it 8 MB sinnerlugu imartutigissanngillat aamma taamaallaat mp3, mp4, pdf kiisalu word atorlugit nassiussat akuerisarpagut.
  • Qinnuteqaatip immersorniarnerani minutsit 120t sinnersimavatit.
  • Suut tamaasa misilittaraluarlugit iluatsinngikkuit. Qinnuteqaativit assilinera uunga ikiorseqqullutit nassiuguk cif@koda.dk.