Kodap pisortatigoortumik nangaanartoqartippaa AI atorlugu sullissiviit Kodap ilaasortaasa nipilersuusiaannik taalliaannillu aallersinnaanissaannut
Nipilersuusiortut imarisaai atorlugit AI ineriartortinneqarnisssaanut akuersititseqqaartigani akileeqqaartiganilu atorneqaqqusaanngillat. Taamaammat Kodap Chatgpt allallu AI-inik sungiusaanerminni nipilersuutinik taallanilliu Kodap ilaasortaasa inerititaannik atuinissaat akuersaanngilaat.
Koda AI-it kodap ilaasortaasa nipilersuukkat taallallu inerititaat katersorlugillu AI-inut sungiusaatitut atorneqarnissaat pisortatigoortumik akuersaarinningani nalunaaruteqarpoq. Taamaalinikkkut Koda ilaasortami akilerneqaqqaartigatik AI-it nipilersuusiorsinnnanngornissaannik inerisaassutaanngornissaat sulilerpoq
Kaare Struve, immikkut medie- og strategi pillugu Kodami pisortaq oqaaseqarpoq: .”Kodami eqqumaarilluinnarparput ilaasortatsinnut atugassarititaasut minnerunngitsumillu piginneqaartussaatitaanermikkut illersorneqarnissaat. Taamaammat massakkut tamanna pissutigeqqissaarlugu AI-it ilaasortatta nipilersungassiaasa katersorlugit ilinniarfigivigineqannginnissaat isumaqatigiissuteqartoqaqqaartinnagu taavalu isumaqatigiissuteqartoqaqqaartinnagu. Uatsinnut qitiulluinnarpoq AI atorlugu nipilersuusiortartussatut inerisakkat inerisaanerminni nipilersuusiat sungiusaatigisaat isumaqatigiissusioqqaartinnatik atorneqannginnissaat.”
Nalornissutaasinnaasut tamarmik akissuteqarfigineqaqqaartariaqarput
Naaggaarnitsinnut aallaavigaarput Piginneqartussaatitaanermut inatsit atuuttoq § 11 b, paragrafi aallaaveqarpoq piginneqaartussaatitaanermut malitassiaq EUmi 2019 atuutilertinneqarsimasoq (aamma taallanik taavalu datamining pillugu atornerluinnginnissamik pakkersimaarinninniutissatut taaneqartartoq) Tassa imappoq piginneqartussaatitaaneq pillugu apeqqutit akiuminaangaatsiartut pilertulertunnginnerisa sioqqullugu inatsit atuutilersinneqarnikoq, AI, immikkullu AI namminerisaminnik ilinniarsinnaassusillit pilersinneqannginneri sioqqullugit atuutilersinneqarsimasoq.
Kaare Struve – Uatsinnut qitiulluinnarpoq AI atorlugu nipilersuusiorfissatut pilersinneqarniartut saqqummersitaareersut sungiusaatiginikuusaasa immikkut taarsiiffigineqarnissaat, imaluunniit atussagunikkik akileeqqaarnissaat.
Inatsit siaakkusiivoq piginneqaartussaaasoq naaggaarnissaminut periuseq “tulluartoq” aallaavigalugu naaggaarsinnaanissaa, tamassumallu isumannaarniartussaagaa datanik katersisoqannginnissaa, piginneqqaartussaatitaaneq aallaavigalugu illersugaasut unioqqutilugit AI sungiusartinneqarneranni atuisoqannginnissaanut. Tamanna naliginnaasumik piginneqartussaatitaanermut inatsip atorneqarnissaanut periuserineqartartunut allaannerussuteqarpoq, sioqqullugumi apereqqaartussaatitaaneq isumaqatigiissuteqareersimanissarluunniit aallaaviukkajuttaraluarmat.
Kaare Struve ingerlaqqippoq:
“Uagut paasinnittaaserput aallaavigalugu Maleruaqqusap anguniarsimanngisaannarpaa inatsisitigut illersugaasut tamaasa AI atorlugu inerisaasunit avaqqutiinnarluni atuisinnaanngortitsinissaq – amerlanertigut iluanaarnissaannaq anguniarlugu pilersitanit. Taamaammat EUmi maani Danmarkimi sulissutigaarput ersarissumik inatsisitigut sinaakkutissat atuutilernermikkut nalornissutaasinnaasut tamakkiisumik atorunnaarsissutaasussatut atorneqarsinnaasut, AI atorlugu techimi suliffeqarfissuit datat atorlugit nipilersungassiorsinnaanngornissaminnut ataqatigiissaakkamik sungiusaatissaminnik nipilersuusiareriikkat taalliareriikkallu inerititsuisa piginneqartussatitaanerat avaqqullugu atuisinnaanissaat akileeqqaarsimatinnatik.”
Naaggaarneq pillugu allaaserisaq (qallunaatut) uani tamaat atuarsinnaavat.
Aamma aturuk:
