Kodamiit tapiissut annertuumik ikiuutaasinnaavoq

Sisimanngorneq 11. januar tapiissutaasartut, Kodas kollektive båndmidler, qinnuteqaatinik nassiussiffigineqarsinnaanngorput. Nick Labajewska Madsenimiit Tobias Kippenbergerimiillu, The Floor Is Made Of Lava-mik suliarinnittut, qinnuteqaativit allannissaanut ilitsersuussinnaavaatsit, taakkua 2017imi suliariniakkanut nutaanut tapiissutinik tunineqarmata, kiisalu ataatsimiititap, Kodas Legatudvalgip, qinnuteqaatinni suut allassimanissaat pingaartinneraat atuarlugu.

Solo EP taperneqarnikkut immiunneqarsinnaanngorpoq 

Nipilersoqatigiinni Kiss Kiss Kiss-imi guitarertutut aallartittumut Nick Labajewska Madsenimut, Kodamiit taperneqarneq sunniuteqartupilussuuvoq. Kiss Kiss Kiss tusaamaneqarlualerput nuusiartik siulleq ‘Release the Birds’ 2010mi saqqummersikkamikku, tullianillu 2012imi ‘Ponte25’ immiutereeramikku avissaaramik Nick produceritut aallartippoq. Taamanikkumiilli Nickip produceriuffigai Kidd, Anya, Soleima, Goss, Oh Land, Mø, CYN kiisalu nipilersoqatigiit soorlu Terror Jr., Tkay aamma Off Bloom immiussaat mixeqqillugit saqqummersillugit. Taassuma nammineq nipilersugassiani saqqummersitsisarfiit suliniuteqarfiusut Pelican Fly kiisalu Secret Songs aqqutigalugit saqqummersinnikuullugit. Qinnuteqarusuttunut Nick Labajewska Madsen siunnersuutissaqarpoq: 

"Siunnersuutigisinnaasara pitsaanerpaaq tassa inuttut namminerpiaq anguniagaqarpalunnnissaq kiisalu pilersaarutip piviusunngortinnissaanut periarfissat piviusorsiorpalaartuunissaat. Uanga solo EP immiunniarlugu qinnuteqarama

Tobias Kippenberger – kisimiilluni nutaamik suliniuteqarpoq

Tobias Kippenberger, nipilersoqatigiinni The Floor Is Made Of Lava-mi taalliortoq nipilersortartoq erinarsortartorlu sivisujaamik nipilersunngeriarluni 2017imi kisimiilluni qallunaatuumik nutaamik saqqummersitsinissani suliarilerpaa. The Floor Is Made Of Lava 2013imi septembarimi Tivolimi Plænenimi tusarnaartitsereeramik nipilersortarneq unitsikkallarpaat. Tobias Kippenbergerip nipilersorneq unitsivissoraluariarlugu siorna nammineq atini atorlugu suliariniagassaminut nutaamut isumassarsiortulerpoq. Kodas Kollektive Båndmidler aqqutigalugu taperneqarsinnaaneq Tobias Kippenbergerimut pingaaruteqarnikooqaaq:

’Piginneqqaartuuneq aallavigalugu aningaasat isertitat akileraaruserneqartutut ilillugit, tamaasa agguaatiinnarnagit aamma tamanut siunissamullu eqqanaarsartoqartarnera tapersersortuuara. Ingerlaavartumik nutaanik nipilersugassiortoqarsinnaanera, aamma nipilersugassiortunit nutaanit, taamatut qulakkeerneqarmat’, Tobias Kippenberger oqaluttuarpoq. 

"Taperneqartunut tapiissut amigartoorutissanut matussutissatut amerlanernit isigineqarunarput – tassa amigartoorutit tapiissutinit ikinneruppata. Immiussisut ikittuinnaat aningaasartuutitik utertissinnaasarpaat kisiannili qanorluunniit nipilersoriaaseqaraluaraanni arlaatigut suliat immiunneqartariaqarput. Tapiissutit taperneqartut ilaannut aningaasarsiornermut aallarniutaasinnaapput ilaannullu misilittaanermut matussutaalutik, tamanilli pisariaqartinneqarput – amerlanernullu amigartoorutit killilersinnaanissaannut qulakkeerutaallutik," Tobias Kippenberger naggasiivoq. 

Tobias Kippenbergerip siunnersuutai pingasut:

1. Isertuussaqarnak allagit – qinnuteqaat ilisimatuunngorniutaanngilaq
2. Nammineq oqaluttuassat aalajangiuguk – takorluukkatit nipitalikkit
3. Nipilersukkat qanoq siammartissappat? Allanimmi aamma tusarneqartariaqarput

Legatudvalget 2018 – Legatinik agguaanissamut ataatsimiititaq

Tassaavoq Kodap Legatinik agguaanissamut ataatsimiititaliaa, båndinik nioqquteqarnermi akitsuutinit isertitanit qinnuteqartunik naliliisartut. Kodap ataani ilaasortat peqatigiiffii sisamat; DKF, DJBFA, DPA aamma Musikforlæggerne, ukiut tamaasa ataatsimiititaliami sinniisussaminnik toqqaasarput.

Ukioq manna ataatsimiititaq, Legatudvalget, ukunannga ilaasortaqarpoq:

• Peter Mesnickow (Musikforlæggerne)

Erinniortoq Peter Mesnickow Tarfet Groupmi nioqqutassianut, nipilersortartunut nipilersugassaannullu kiisalu nittarsaanermut akisussaasuuvoq (product, A&R og promotion manager), ukiunilu 25ni immiussisarfinni saqqummersitsisarfinnilu sulinikuulluni. Atuagassiani nipilersornermut tunngasuni aamma taanna allaaserisaqartarnikuuvoq kiisalu nipilersortarfinni soorlu klubbini The Black Cat-imi amma Faust-imilu aliikkusersuisussaqartitsisuullunilu alutornartunik susassaqartitsisuulluni. Immiussisarfinni suligallarami tusaamasarpassuit soorlu Martin Hall, Agnes Obel, Kenneth Bager, Nightwish, Vi Sidder Bare Her, Dimmu Borgir, Tue West, Saturnus, Juncker, The Savage Rose alllarpassuillu suleqatigisarnikuuai. 

• Anja Følleslev (DJBFA)

Anja Følleslev marluliaqatinilu Betina Følleslev nipilersoqatigiit Strawberry Blonde peqatigaat, taakkua marloriarlutik nuuteeqqanik saqqummersitsinikuupput – siullermik 2009mi tullianilu 2012imi, 2018imilu saqqummersitassaat naammassingajalerluni. Taanna kisimiilluni aamma ingerlataqarpoq, taasaminik The Red House. Anja Følleslev ulluinnarni Odensemi Studenterhuset pisortaaffigaa. 

Anja Følleslev aamma tusarnaartunut ataatsimiititaq UHØRT ilaasortaaffigaa kiisalu naliliisartutut Odense Live Prisen aamma Årets Fynske jazzmusiker peqataaffigalugit.

• Sara Indrio Jensen (DPA – Danske Populær Autorer)

Nipilersortartoq, erinarsortartoq erinarsugassiortorlu Sara Indrio Jensen rytmisk musikkonservatoriumimi percussionistitut ilinniarnikuuvoq. Taassuma ilaatigut Eric Gadd, Savage Rose aamma Rebecka Törnqvist allarpassuillu nipilersoqatigisarlugillu immiusseqatiginikuuai. Sara Indriop kisimiilluni saqqummersitaasa pingajuat ”Blodrød måne” 2017imi februaarimi saqqsummerpoq. Taassuma aamma nipilersortartut pikkorissut qallunaat nunanillu allaneersut assigiinngitsut ilagalugit marlunnik saqqummersitseqataanikuuvoq; Break of Day med Fridolin Nordsø kisialu The Latin Collective Vol. 1.  

• Martin Stauning (DKF – Dansk Komponistforening)

Martin Stauning 2016imi oktobarimi Det Kongelige Danske Musikkonservatoriumimi kisimiillutik nipilersortartut akornanni nipilersoqataaqqaarpoq. Taassuma ilaatigut makkua ilinniartitsisorinikuuai Hans Abrahamsen, Bent Sørensen kiisalu Niels Rosing-Schow. Martin nipilersoqatigiinnut assigiinngitsorpassuarnut nipilersugassiortarnikuuvoq kiisalu nipit atorlugit saqqummiisarnikuullunilu performance samminikuullugu. Martini 2015imi Axel Borup-Jørgensens komponistprisimik nersornaaserneqarpoq kiisalu 2016imi Léonie Sonning Stipendiumimit kiisalu Carl Nielsen og Anne Marie Carl-Nielsens legatimik taperneqartarluni.

 Legatudvalgemiit suut pingaartinneqarpat? 

• Suliariniakkap ilumoorussaarpasinnera kiisalu qinnuteqartup qanoq inissisimanera erseqqarissalluni.
• Suliariniakkap ersarissumik nassuiarsimanissaa kiisalu qinnuteqartup Kodamut ilaasortatut peqataanissaa ersarissuussalluni.
• Qinnuteqaat naapertorlugu suliariniakkap piviusunngortinnissaata ilimanarsinnaasutut nalilerneqarsinnaassaaq.
• Immiussat annersaasa nammineq erinniarinikuunissaat piumasaqaataavoq.
• Aningaasartuutaareernikut matussusernissaat imaluunniit atortunik pisinissat taperneqartanngillat.
• Piareersarnermi immiussat suliariniakkap qanoq ittuuneranik kiisalu qinnuteqartup nipilersortartutut piginnaaneranik ersarissumik takutitsisinnaapput.
• Immiussat ataatsimiititap tusagassaasa pingaarnersiorlugit tulleriiaareernissaat innersuussutigissavarput.

Kingusinnerpaamik qinnuteqarfissaq tassaavoq 1. februar nal. 15:00.

Kodas kollektive båndmidler pillugit uani atuarit.