Kodap kantiinaa majimi marlunngornermi unnukkut ulikkaavippoq, tassani Koda, NCB aamma Gramex unnummut ilaasortatut ilisimasariaqakkanik paasissutissiinissamut qaaqqusinikuuvoq. Unnummi tassani nammineq saqqummersitsisarneq sammineqarpoq.
Marlunngornermi ilaasortanut aqqissuussinermi – pingaartumik Kodami ilaasortanut nutaanut, Koda, NCB aamma Gramex pillugit takkuttut saqqummiivigineqarput. Tamassuma saniatigut ’nammineq saqqummersitsisarnerit’ sammineqarput. Aamma ’qanoq iliornissaq’ pillugu paasisaqartitsiniarluni Henrik Leschly DiGiDi-meersoq peqataanissamut aggersarneqarnikuuvoq. Inatsimmi saqqummiinnermi siullermi pineqarpoq ’inatsisinut tunngasut tamaasa’.
”Nipilersuutitit nipilersorneqavikkaangata aningaasanik pissarsisinnaaniassagavit nipilersuusiat Kodami nalunaarsoruk”. Taamatut naatsigisumik oqaatigineqarsinnaavoq, Kodami ilaasortanut inatsisileritooq, Jakob Thors, oqaluttuarpoq. Immaqa tamanna Kodami ilaasortatut nutaatut paasisassani pingaarnersaavoq.
Ukiorpassuari bassertartutut, maannakkullu inatsisilerituutut, Jakob Those nipilersorneq tassungalu atatillugu inatsisilerineq annertungaatsiartumik ilisimasaqarfigilernikuuai. Nipilersuusiortartutut sunik pisinnaatitaaffeqarnerlutit – nipilersuutinik atuisutut, aqutsinermi suliffeqarfimmut ingerlaqqillunilu ilinnut ilaasortatut – paasissutissat pingaarnerit Jakob Thorsip saqqummiussaani takukkit. Saqqummiussaq takuniarlugu una tooruk.
Mit Koda
Apeqqutissarpassuarnut akissutit Kodap nittartagaani takusinnaavatit, kisiannili nipilersuusiatit pillugit paasutissat Mit Koda-mi takusinnaavatit. Unnummi tulliunni saqqummiisoq ilaasortanut sinnersorti, Nynne Krogh Cleirin, taamatut oqaluttuarpoq
”Mit Koda-mi nipilersuusiatit, ilinnut akiliutigineqartut, tusarnaartitsininnik nalunaarutit allarpassuilu takusinnaavatit. Nipilersuusiatit nalunaarutigigukkit eqqumaffigissavat illit pissatit qanoq agguarneqarnersut. Nipilersuusianik pissat agguarneranni ataasiakkaat nipilersuusiap pilersinneqarnerani tapersiutaat takutinneqartarput”. Nynne Krogh Cleren aamma ilaasortanut marlussunnik siunnersuutissaqartoq oqaluttuarpoq:
- Tusarnaartitsinitit nalunaarutigigaangakkit aaqqissuussisup aqqata allannissaa eqqaamajuk (suliffeqarfik, peqatigiiffik il.il.) – inuk attaveqarfigisat oqaloqatigisimasat pinnagu. Aaqqissuisoq nipilersukkanik atuisoq akiliisussaavoq.
- Pitsaasoq alla tassaavoq nipilersukkanik aaqqissuussinermik atuineq.
Mit Koda-p atornissaanik saqqumiussut takujuk takoqqilluguluunniit
Mit Koda-p atornissaa pillugu apeqqutissaqaruit akissutit uani takusinnaavatit, taamaanngippat Saqummersitsinermut Ilaasortanullu Sullissiup uani attaviginissaanut tikilluaqqusaavutit [email protected] oqarasuaatikkulluunniit 3330 6320.
NCB – Akuersissutinik pisinissat nalunaarsuinissarlu eqqaamakkit
Jette Binger, NCB-mi Piginnittussaanermut siunnersorti, Kodami Ilaasortanut Siunnersorti, Mette Carolini Holm peqatigalugu nipilersukkamik saqqummersitsigaanni ilaasortatut suut eqqumaffigineqassanersut oqaluttuaraa.
"Aqqutit marluk atorneqarsinnaapput – tigussaasumik digitalinngorluguluunniit. Tigussaasumik saqqummersitsiguit NCB aamma NCB-p nittartagaa takussavatit. Digitalinngorlugu saqqummersitsiguit NCB aqqutigissanngilat, Mette Caroline Holm oqaluttuarpoq. Digitalinngorlugu saqqummersitsiguit saqqummersitat una immersorlugu 'digital track reporting form' nalunaarsussavat uungalu nassiullugu [email protected]
Grameximit aningaasanik qanoq pissavit?
Gramexip nipilersortut nipilersukkanillu immiussiviit sinnerlugit nipilersukkat immiussaat Danmarkimi tamanut nipilersorneqaraangata akiliisitsisarpoq. Nipilersortartuuguit erinarsortartuuguilluunniit, nipilersukkanilluunniit saqqummersitsisaruit, saqqummersitavit akilerneqarnissaannik ikiussavatsigit. Timo Møllenberg Grameximeersoq oqaluttuarpoq.
Timo Møllenberg aamma ilaasortanut siunnersuutissaqarpoq: ”Eqqaamajuk Grameximi aningaasat atorlugit Grameximit tapiffigineqarnissannik qinnuteqarsinnaagavit. Taamaaliussaatit assersuutigalugu uku aqqutigalugit DMF (Danmarkimi Nipilersortartut Kattuffiat) aamma DAF (Danmarkimi Isiginnaartitsisartut Kattufiat) – DAF-imi piffissarititaq tulleq tassaavoq ulloq 19. maj".
Grameximit ilitsersuut tamaat, immiussisarfinnik allatuivik ilanngullugu pissarsiariuk
DiGiDi – nutaaliortut piginneqatigiiffiat
Nipilersuutinnik saqqummersitsigaangavit aggregatori saqqummersitsinermi ikkussinermilu sullissiviusuni amerlasuuni iniisartoq qaqutigut avaqqussinnaavat. DiGiDi ukiuni 14-ini taamatut sullissusuusoq Kodap unnuk taanna qaaqquaa. DiGiDi najuuttut nipilersuutit qanoq pisinnaanerlugu taakkunaniikkuillu sunik pissarsisinnaanersutit ilitsersuivoq.
”DiGiDi suliffeqarfiuvoq digitalinngukkanik siuaruarteriviusoq, nipilersuusianik piginneqataasut annertunerpaamik siaruaasarnissaasa qulakkeerneqarnissaanik sammisaqartoq – aningaasaqarnermik agguaqatigiittarnermik periuseq piviusoq”, Henrik Leschly DiGiDi-mik pilersitseqataasut ilaat nassuiaavoq.
Nipilesukkanik digitalinngorlugit saqqummersitsinerit tassaapput – ilitsersuineq siunnersuinerlu, nipilersortarfinniissinnaaneq, piginnittussaanerit iliuuseqarfigineqartarneri, label-it pillugit sullissinneq, pitching aamma promo. Kikkulluunniit DiGiDi aqqutigalugu saqqummersitsisinnaapput, Henrik Leschly erseqqissaavoq: ”Bent Fabricius-Bjerremit uppassaq blokfløjtimik nipilersortalersumut, DigiDimilu piginneqataalerneq taamaallaat 1.000 kr.-nik akeqarpoq”.
Henrik Leschly ilaasortanut apeqqutissarpassualinnut siunnersuutissaqarpoq:
- Nipilersukkat ikkukkaangakku ulloq saqqummersitsivik piviusorsiortoq allassallugu pingaartuuvoq – pitchingimik, promomik il.il. ikiuutissagutta sapinngisamik siumut sivungaatsiartumut. Siunnersuutitsialak alla tassaavoq Gramex aqqutigalugu saqqummersitavit ilisarnaasernissaa, taamaalillutit ISRC-mi ilisarnaammik pilersitsisinnaavutit, taannalu piffissap ingerlanerani atorsinnaavat.
- Eqqaamajuk DiGiDi-mut ikkussiguit covereqassagavit, Wav-fileqarlutit ISRC-milu normoqarlutit – taava ingerlallualissaatit.
- Aamma nipilersukkanik DiGiDi-mut ikkussisinnaatitaanissat pingaartuuvoq, tassa siuaruarterisinnaatitaanissat,
- Erinarsuutit ikkunneqarpat DiGiDi-millu akuerineqarpat nipilersuutit qanoq nipilersuutigineqarnersoq nipilersukkannillu tusarnaartut katitigaanerannik paasissutissat ingerlaavartumik tkusinnaavatit. Tassani takuneqarsinnaavoq erinarsukkat qanoq atorneqatiginersoq qassillu tusarnaarneraat.
- DiGiDi-mik atuineq qaammammut 15 kr.-nik saqqummersitamullu ataatsimut 75 kr.-inik akeqarpoq. Aaqqiissut alla qaammaammut 45 kr.-nik akilik aamma toqqarsinnaavat, tassani assersuutigalugu takoqqusaarilluni qupperneq suliarineqarsinnaavoq.
DiGiDi pillugu annertunerusunik paasisaqarit.
Nammineq nipilersukkanik saqqummersitanik misissuinermi immersugassaq
Unnuk apeqquteqartoqartarneranik aamma masterinngorlugu immiussaq pigilerukku avammullu saqqummersillugu nassiunnissaanut piareeruit qanoq iliornissannut suliassat allaffissornikkullu suliassat Ilaasortanut Siunnersortip Mette Bjørneboe Petersip saqqummiineranik naggaserneqarpoq.
Unai eqqaamasassanik pingaarnerpaanik misissinermi immersugassaq takusinnaavat.
Kodap nutaarsiassaatai pisartagarikkit taamatullu aaqqissuussinerit aggersullu pillugit paasissutissanik pissarsillutit.
