Oktobarip qeteqqunnerani kulturimik pikilialaartitsineq Nuummi Nunat Avannarliit Kulturimik pikialaarnerat aappassaanik ingerlanneqassaaq. Pikialaartitsineq napiffiuvoq eqqumiitsulioriaatsit pilertarfiat nunanilu avannarnerli kulturimik ingerlatseriaatsit akimorlugit nutaaliat pinngortarlutik.
Nunat Avannarliit ullutsinni pisunik kulturimillu pikialaartitsineruvoq isiginnaartitsinerit, tikeraat isiginnaartitsineri, tusarnaartitsinerit allarpassuillu kulturimik ingerlatseriaatsit akimorlugit saqqummiunneqartarfiat. Sapaatip akunnerani ataatsimi Kalaallit Nunaanni illoqarfiit pingaarnersaanni Nuummi saqqummiinerit 50-it sinnerlugit pikialaartitsinermi saqqummiunneqartarput. Isiginnaartitsinerit, qitsinerit, assilialiat, nipilersuutit, atukakkat allallu illoqarfimmi assigiinngitsuni isiginnaartitsivinni, atuagaateqarfinni, illoqarfimmi tamat naapiffigisartagaanni, quersuarni tunisassiorfinnilu saqqummiunneqartarput.
Nuummi Nunat Avannarlerni kulturi eqqumiitsuliortut, isiginnaartut, piumassutsiminnik sulisut aamma eqqumiitsuliornermik kulturimillu ingerlatsiviit qanimut suleqatigalugit pilersinneqartarput. Nuummi Nunat Avannarliit Nuummut sammitinneqarpoq, pikialaartitsinerlu tassunga peqatigitillugu eqqumiitsuliortunut nunanut avannarlernut kulturikkut immikkut naapittarfiulluni, tassani takutitseriaatsit nutaat suliarinissaat inissaqartinneqarluni periarfissaqartinneqarlunilu.
Suliniummut aqutsisoq, Pipaluk Lind, pikialaartitsinerup tunuliaqutaa pillugu oqaluttuarpoq:
"Pikialaartitsineq Georgine Graversenip Nuummi Nunanut Avannarlernut aningaasassarsiuussisartup suliniuteqarneratigut aallartippoq. Siamasinnerusumik aamma ilaqutariinnut sammitinneqartumik pikialaartitsinissaq taamanikkut amigaatigaa. Isumassarsiaq NAPA-mut (Nunani Avannarlerni Piorsarsimassutsikkut Attaveqaat – nunani avannarlerni kulturikkut ataqatigiissaarisoq) saqqummiunneqarpoq, tassanngaaniilu ilusilersorneqalerluni."
Kalaallit Nunaanni pikialaartitsinerit anginersaat
Isiginnaartitsinerit, tusarnaartitsinerit, saqqummersitsinerit atuaanerillu saniatigut eqqumiitsuliortut isiginnaartullu ataatsimut isumassarsitinniarlugit workshopit, isumasioqatigiinnerit, inuit oqallinneri il.il. ingerlanneqartarput. Pipaluk Lind oqaluttuarpoq pikialaartitsineq Kalaallit Nunaanni anginersaasoq sivisunerpaajullunilu:
"Kalaallit Nunaanni pikialaartitserni sivisunersaavugut anginersaallutalu. Ilusilersuinermiit, video atorlugu eqqumiitsuliornermik, nipilersornermik il. il. saqqummiisarpugut, tamannalu Kalaallit Nunaanni sumiiffinni ingerlanneqarneq ajorpoq. Ilimagaarput 2015-imiit anginerussasoq, missingeruutitugut pilersaarutitigullu. Eqqumiitsuliortut ataasiakkaat 200 missaaniittut, aaqqissuinerit 250-it saqqummiiffiillu assigiinngitsut 50-it saqqummiutissavagut. Suleqatigiinnermi tassani peqataasut allat peqatigalugit naligiilluta Kalaallit Nunaannik ilisarititserusuttorujussuuvugut – tamatta nunani avannarlermiuuvugut. Assigiinngitsut marluk atorlugit taamaaliorpugut – saqqummiinerit arlallit ingerlappagut pikialaartitsinermi pilersussat tassanilu takuteqqaarneqartussat – aappaattut, pikialaartitsinrup ingerlanerani naapiffissanik aaqqissuivugut, tassani isiginnaartut peqataasullu ataatsimoorlutik pilersitsiniartassallutik. Workshopinut pilersaarutitsinni workshopit 60-70-iupput – inuussutissarsiutiginagu inuussutissarsiutigalugulu ingerlatsisartunut, tassani inuit nunani assigiinngitsuneersut naapinneqarsinnaallutik – sapinngisamillu sammisami allami nammineq suliaqarfiginngisami’, Pipaluk Lind oqarpoq itisiliillunilu: ’nunatut nunanit avannarlernit issitumillu katitigaasutut oqaluttuarisaaneq, kultureqarneq tarnersiorneq nunat avannarliit suleqatigiinneranni misissuiffigissavarput. Pikialaartitsinermi taamaalilluni immitsinnut qanoq isiginitsinnik peqqusaarisoqarpoq nunarsuarmillu avatangiisitsinnik nutaanik paasisitsiviusarluni."
Nunanit avannarlernit allanit soqutiginninneq annertooq
Ulluni arfineq marlunni aaqqissuussinerit tulleriiaaginnaviit pikialaartitsinermi ulloq 16. oktober aallartinneqarpata nunanit avannarlernit allanit annertuumik eqqumaffigineqassaaq, Pipaluk Lind nassuiaavoq:
"NAPA-p pilersaarusiornermi pingaartittorujussuuaa, eqqumiitsuliortu nunani avannarlerneersut assigiinngiiaartut peqataatissagigut, nunanilu avannarlerni intitutit allat sisamat qanoq iliornerput takuniarlugu pikialaartitsinermut aamma takkutissapput. Nunani avannarlerni imaannaanngitsumik nalliuttortoqassaaq. Nunani Avannarlerni Ministerit Siunnersuisoqatigiivigini generalsekretæri, Dagfinn Høybråten, pikialaartitsinermik ammaassaaq, tamannalu qilanaarisorujussuuarput, tassami nunat avannarliit Kalaallit Nunaanni nipilersortarnermut suli qaninnerutilerusukkatsigit."
Attaveqaqatigisartakkat suleqatigiinnerlu periarfissaqartitsilersarput
Nuummi Nunat Avannarliit pikialaartitsineq, Naqqarmiut elektroniskimik nipilersornermik pikialaartitsiviusoq siullermeerluni 2012-imi Katuamik ingerlanneqartoq maannakkullu Nuummi Avannarlerni ingerlatsinermi Nuummiittoq qanoq suleqatigaat.
Pipaplu Lind nassuiaavoqr:
"Naqqarmiut suleqatiginerat iluarpoq, siornali suleqatigilerpagut. Suleqatigiinneq taanna tunngavigalugu Nunani Avannerlerni elektroniskimik nipilersortarnermi attaveqaqatigiiffik ateqartoq Upnote aallartipparput. Ukiumut marloriarluta naapittarpugut, taamatullu nipilersornermi Nunani Avannarlerni periarfissat ajornartorsiutillu misissortarpagut. Attaveqaqatigiiffik nunani avannarlerni paarlaasseqatigiittarfittut aamma atorparput aammalu nipilersortartut nutaat pikkorissut nassaariniarlugit inniminniinermilu ikioqatigiittarluta. Attaveqaqatigiittarfimmi aamma piumassutsiminnik suisut allanik nutaanillu misilittagaqalrersut aamma paarlaasseqatigiittarput."
Pikialaartitsinermi aqutsisoq inuttut suliniuteqarluartoq
Pipaluk Lind pikialaartitsinermi suliniummi aqutsisuuvoq, aammalu Richard Borgstrøm aamma Georgine Graversen peqatigalugit pikialaartitsinermi pingaarnertut akisussaasuulluni.
"Pikialaartitsinermi oqartussat pingasuuvugut tamanut ataatsimut akisussaasut. Nipilersornermik soqutigisaqartorujussuuvugut sumiiffinnilu pilersornerit saqqummiukkusuttorujussuullutigit. Nammineq kulturmik suliaqalernikuuvugna, isumaqarama Kalaallit Nunaanni toqqaannaq nipilersortarnermi amigaateqartugut, taamaammat tamanna suliniuteqarfigisorujussuuara," Pipaluk Lind naggasiivoq.
Koda Nuummi Nunani Avannarlerni
Koda pikialaartitsinermi peqataassaaq, ullullu tamaasa Kodami siunnersorti, Pernille Rostgård Olsen, ilaatigut ilaasortaaneq pillugu apeqqutinik akisisinnaasoq naapinneqarsinnaavoq. Pernilleq Rostgård Olsenip naapinnissaanut uani inniminneereerit
Nuummi Nunat avannarlerllit Kulturikkut pikialaarnerat pillugu uani paasisaqarit