Medlem
Forlag
Om Koda
Hovedmenu
Udbetaling
Registrering af din musik
Selvbetjening
Søg støtte
Min karriere
Kontakt og spørgsmål
Medlem
Her får du udbetaling fra
Læs om tidligere udbetalinger
Om din udbetaling
Udbetaling
TV
Radio
Koncerter
Online
Udland
Øvrige områder
Her får du udbetaling fra
Udbetalingsområder i udlandet
Udbetaling
2021
2020
2019
Medlem
Fordeling af andele
Bearbejdelse og ændringer af værker
Selvforvaltning
Medlem
Ofte stillede spørgsmål
Hovedmenu
Udbetaling
Online selvbetjening
Værker
Søg støtte
Udbetaling
TV
Radio
Koncerter
Online
Udland
Øvrige
Online selvbetjening
Hjælp til Mit Koda
Hovedmenu
Hvad er Koda
Organisation
Generalforsamling og bestyrelsesmøder
Om Koda
Hovedmenu
Hovedmenu
Hovedmenu
Hovedmenu
Min karriere
Medlemsubsites
Min karriere
Branche- og interesseorganisationer
Brancheguide
Hovedmenu
Musik betaler sig

Arctic Sounds – Nunat Avannerliit nipilersuutaat

 

2014-imiit ukiut tamaasa Sisimiuni immikkut illuinnartumik nipilersornikkut festivaalertitsisoqartarpoq, Arctic Sounds, ukiut tamaasa peqataasunik tusarnaartitsisunillu Nunanit Avannarlerneersunik 500-t pallillugit amerlassusilinnik ornigarneqartartumik.

Ukioq mannattaaq Arctic Sounds ulluni sisamani Nunat Avannarliit nipilersornikkut festivaliat taalliornermik immikkut qitiutitsisoq ingerlanneqaqqissaaq – ukioq manna festivaali sioqqullugu ilanngunneqassalluni NORDIC PLAYGROUNDS, festivaalip pisortaa Jacob Froberg oqaluttuarpoq:

"Pingaarnertut ilisarnaqutigivagut Nunani Avannarlerni nipilersuutit nutaat – taalliorneq immikkut isiginiarlugu. Taalliorneq matumani siamasissumik paasineqassaaq, nipilersoriaatsillu assigiinngitsut saqqummiutissavagut. Festivaali sioqqullugu attavittaartornissamik, pilersitseqatigiinnissamik suleqatigiinnissamillu siunertaqarluni ingerlatsisoqassaaq, festivaalimi eqqumiitsuliortut peqataasut, najukkami nipilersortartut, taalliortut nipilersornermillu piginnaanillit allat peqataaffigisaannik. Ukioq manna ingerlatsinissarput ataatsimut qulequtserneqarpoq NORDIC PLAYGROUNDS pingaarnertullu isiginiarneqarpoq attaveqaatinik suleqateqarnerup pilersitseqatigiinnerullu pinnguarnertut ilusilimmik pissuseqarfiginissaa".

Taalliortut qimussimik ilisimasassarsiornerat

Taalliorneq festivaalimi pingaarutilimmik inissisimassaaq, ukioq mannalu ileqquusunit allaanerusumik taalliorneq isiginiassallugu toqqarneqarpoq:

"Ukioq manna taalliortartut Nunanit Avannarlerneersut sisamat taalliortutut ilisimasassarsiortinniarpagut. Kangerlussuarmiit Sisimiunut ulluni sisamani qimussimik angalassapput, aqqutaanilu taalliorlutillu erinnioqatigiissapput. Sisamanngornermi aprilip arfernani pilersaarutit malilliugit Kulturip illorsuata eqqaani tatsimut apuutissapput, ingerlaannarlu qamutiniit festivaalimut aallarnisaataasumik nipilersoriassallutik," Jacob Froberg oqarpoq.

Inuit pissanganartut amerlasuut

Eqqumiitsuliortut akornanni Danmarkimit, Islandimit, Savalammiunit, Sverigimit, Estlandimit, Litauenimit, Norgimit aamma soorunami Kalaallit Nunaannit peqataasoqassaaq.

"Ukioq manna pingaarnertut saqqummertussaq tassaavoq Malik. Ukiuni arlalinni Chilly Friday-ikkunni nuimanertut ilisimaneqarluarpoq, kingornagullu nammineerluni marlunnik  saqqummersitsinikuulluni, taalliortutut, erinniortutut erinarsortartutullu piginnaaneqassusianik ersersitsisuusunik’, Jacob Froberg oqarpoq nangillunilu:

Nipilersoqatigiinnik allanik peqataasussanik immikkut nuannaarutigivagut makku ilaasinnaammata:

- Isuma: Nipilersortartut inuusuttut Nuummeersut saqqumilaaleriartortut (Hard Rock)

- Secure Escape: Arctic Sounds-imi siullermi nipilersornikut, nuusiaminnillu siullermik saqqummersitseqqammisut (Støjrock)

- Atsinnermiut: Nipilersoqatigiit inuusuttut indie rock-imik nipilersortartut Sisimiuneersut, Apunnguaq Schmidt taalliortoq piginnaaneqarluartoq siuttoralugu, taalliortut ilisimasassarsiornerannut peqataasussaq. Ilaatigut Københavnimi Tivolimi nipilersornikuuvoq, siornatigullu Arctic Sounds-imut peqatasarnikuulluni, ukioq mannali siullermeerluni inersuarmi tusarnaartitsivissuarmi nipilersussalluni. Taakkua saniatigut aammattaaq Nunanit Avannarlernit nipilersukkat allat pissanganartorpassuit tusarnaagassaqqissut misigissassaqqissullu saqqummiunneqassapput.

Tusagassiuutini nipilersukkat immikkut isiginiarlugit paasisimasallit oqallitsinneqarnerat

Taseralimmi sisamanngornikkut ualikkut paasisimasallit oqallitsinneqassapput qulequtaralugu ’Tusagassiuutini nipilersukkat’. Tassani ilaatigut naapissinnaavatit Koda-p ilaasortanut siunnersortaa Cecilie Ifversen, pisinnaatitaaffiit piginnittussaanerlu pillugit apeqqutinut akissuteqarsinnaasoq. Aammattaaq paasisimasallit oqallinneranni peqataassapput Qillannguaq Q Berthelsen, Jakob Schmid, Jacob Lee Horney, Maria Kreutzmann, Aqqalu Engell aamma Malik Kleist.

"Anguniagaq tassaavoq tusagassiuutini nipilersukkat pillugit soqutiginnilersitsinissaq, aqqutissiuussinissarlu assersuutigalugu qarasaasiakkut pinnguaatini nipilersukkanik, filmit nipilersuutaannik aamma ussassaarutini nipilersukkanik suliaqarnissamut. Tamakku tassaapput nipilersornermik suliaqarnermi inuutissarsiutaasinnaasut, nunami sumiikkaluaraanniluunniit suliarineqarsinnaasut, taamaammallu nipilersortartunut kalaallinut soqutiginarluartut... Kisianni kikkut oqaloqatigineqassappat? Kikkut saaffigineqarsinnaappat? Qanoq iliorluni iluatsitsisoqarsinnaava? Aamma nipilersukkani kalaaliunerup ersiutai imminerminni iluaqutaasinnaappat?’ Apeqqutit tamakku paasisimasallit oqallitsinneqarneranni akissutissarsineqarsinnaasut ilagaat, Jacob Froberg oqaluttuarpoq.

Arctic Sounds-imi Koda

Ilaasortanut siunnersorti Cecilie Ifversen festivaalimiissaaq ulluni 5. – 7. april. Cecilie naaperusukkukku, uani attavigisinnaavat: cif@koda.dk. Koda-p Kalaallit Nunaanni ilaasortanut siunnersortaa Inunnguaq Petrussen, festivaalimi najuutissaaq ulluni 8. – 9. april. Inunnguaq attaviginiarukku mailerfigisinnaavat: fuzzi@greennet.gl.