Arfininngormat nipilersornerup silarsuaani perusarsiornartumik Koda Awards Sisimiuni Taseralimmiit aaqqissuineq ingerlanneqarpoq. Nersorneqartut Sauwestari saniatigut VARNA GL taavalu Sound of the Damned Ukiumut Nersornaammut innersuunneqarsimapput. MUK Isumalluarnartutut Nersorneqartut avataasigut Rene Brandt taavalu Najaaraq Fleischer Innersuunneqarsimapput.
Kulturip illorsuaata Taseraliup inersuaa arfininngormat ulikkaavittoq tunuliaqutsiullugu Koda Awards ingerlanneqarpoq. Unnummi aqustsisuuvoq Dorthe Reimer-Johansen (sermitsiaq.ag), pikkoreqaluni toqqaannaq unnuk nipilersortoqarfiungaatsiaq aqutsineratigut nuannisarfiulluarpoq Nersornaasiinerillu marluk tunniunneqarnerisa kingorna naammassilluarneqarluni.
Ukiumut Nersornaat 2023
2023 saqqummersimasut pillugit Ukiumut Nersornaat 2023 Sauwesatarikkunnut tunniunneqarpoq, saqqummersitaat ”Sauwestari” pillugu. Naliliisartut isumaqatigeeqisut ilaatigut ima naliliissuteqarsimapput:
´Saqqummersitaq nipigisarluangaq, reggae oqariartuutillu itisuut tunuliaqutaralugit tusarnaartumut toqqaannaq apuussuisoq. Taallat nunarsuarmioqataanitsinnik ersersitsisut. Saqqummersitaq tusarnaartuminut inuttut inuiaqatigiittullu akornitsinni pissusilersuutigut pillugit killiffitsinnik isummersorneroqqusisoq.’
Sauwestari nersornaaserneqarnermikkut aamma legatinnapput kr 25.000 nalilimmik
Isumalluarnartumik Nersornaat 2023
Isumalluarnartumut Nersornaat 2023 MUK tunniunneqarpoq saqqummersitaat ’Ingerlavunga’ pillugu. Naliliisartut isumaqatigiillutik nersornaasigaasunut ima tunngaviliipput:
’ Inuusuttut nipilersoqatigiit erinniornikkut taalliornikkullu ineriartuleruttornerit, nipilersoriaatsillu inerisarnissaanut periarfissaqarluartut, erinnat taalliallu ulluinnarsiorpalaartut, taamaattorli siammasissunik Oqariartuuteqarnermikkut tusarnaartutut uteqarttaarneqarsinnaasunngortitsisut.’
MUK nersornaaserneqarnermikkut aamma legatinnapput kr 25.000 nalilimmik.
Naliliisartoqatigiiit
Ukioq manna naliliisartoqatigiit ukuupput:
Nukannguaq Kajusen , KNR, Birte Olsen, Katuaq, Peter Kleemann, Nipiia Rockfestival, Hartmann Heilmann, IluNipe samt Kodamilu sulisut sinnerlugit Laura Lennert Jensen.
Koda Awards Kalaalli Nunnaanni kulturikkut aningaasaliissutit aallaavigalugit aningaasalersungaavoq.
Kodap Kalaallit Nunaanni Aningaasaliissutai pillugit uani atuarsinnaavat