1. Ber til at melda seg inn í Koda á netinum?
Ja, vit eru online, tá tú hevur tørv á okkum, uttan mun til um tað snýr seg um limaskap, skráseting av nýggjum verkum, konsertrapportering ella stuðulsumsókn.
At gerast limur í Koda kostar kr. 650 hjá orða-/tónasmiði og kr. 3.500 hjá tónleikaforlagi. Hetta er eitt eingangsgjald, sum verður rindað við innliman. Limaskapur er persónligur, so ein bólkur kann ikki gerast limur.
- Øll kunnu gerast limur í Koda uttan mun til tjóðskap og bústað.
- GG: Um tú ikki hevur eitt danskt cpr-nr., mást tú skriva fýra nullir aftaná tín føðingardag (-0000).
- Tá man gerst limur í Koda, verður man samstundis limur í NCB (Nordisk Copyright Bureau). NCB umsitur rættindini til innspæling og kopiering av tínum tónleiki.
2. Hvør kann søkja stuðul frá føroysku Mentanarpuljuni hjá Koda?
- Limir í Koda, sum eru búsettir í Føroyum ella uttanlanda (tó ikki í Danmark ella Grønlandi)
- Festivalar
- Bólkar (ensemble)
Søk stuðul umvegis Felagið Føroysk Tónaskøld
3. Hvussu fái eg avrokning fyri mín tónleik, sum er á Youtube?
Avtalan millum Koda og Youtube fevnir um Danmark, Føroyar og Grønland. Fyri at tú kanst fáa avrokning frá Youtube krevst:
- At títt plátufelag eller tín aggregator hevur veitt kunning til Youtube um rættindaviðurskifti. Sum einstaklingur ber ikki til at veita Youtube hesa kunning. So um tín tónleikur ikki er á einum plátufelagi og tú ikki hevur ein aggregator, mæla vit til, at tú gert avtalu við ein aggregator.
- At tín tónleikur verður spældur beint eftir eina lýsing.
- At tín tónleikur verður spældur nóg ofta til, at tað hevur eina avrokning við sær. Og á Youtube skal tónleikurin helst spælast lutfalsliga ofta, áðrenn tað hevur eina avrokning við sær.
