Kodap Nunatsinni kulturimut aningaasaliissutai nipilersukkatsinnut aallarnisaatigaagut

Nipilersoqatigiit Thornstone Kodap Nunatsinni kulturimut aningaasaliissutaannik 2016imi tunineqarput

2016imi kalaallit nipilersoqatigiit, Thornstone, Kodap Kalaallit Nunaanni kulturilerinermut aningaasaateqarfianit (taamani taaguutigaa Kodap Kalaallit Nunaata iluani aningaasaateqarfia) taperneqarput, tamannalu sunniuteqarsimaqisoq, nipilersoqatigiit erinniortoralugulu erinarsortuat, Kuno Hammond, oqaluttuarpoq:

"Nipilersoqatigiiulluta tapiisinnaasunit taperneqarnissaq pingaaruteqaqaaq. Qujanartumilli Koda kalaallinit nipilersortartunit saaffigiuminarami, ingammik paasissutissanik apeqqutissaqartilluni imaluunniit aningaasanik tapiiffiginiartilluni. Taamaammat erinniortutut Kodamut attavqartutut periarfissat eqqumaffigisariaqarput. Tapiiffigineqarnerput aallaavigalugu, piumassuseqarluarluta nammineerluta annertuumik immiussiniarnitsinnut pingaarutilimmik sunniuteqarpoq."

Kodap Kalaallit Nunaanni kulturilerinermut aningaasaateqarfianut qinnuteqarit

Kodap Kalaallit Nunaanni kulturilerinermut aningaasaateqarfianut maanna qinnuteqarsinnaalerputit. Suliaqarninni akissarsiassannik qinnuteqarsinnaavutit, soorlu kalaallisut taallalinnik immikkuullarissunik erinarsuusiorlutillu immiussiniarninnut tapiissutissanik. Kodap Kalaallit Nunaanni kulturilerinermut aningaasaateqarfia Kodamut ilaasortanit Kalaallit Nunaanni najugalinnit qinnuteqarfigineqarsinnaavoq. Aningaasaateqarfik aamma eqimattakkaanit kisermaanillu kiisalu festivalinit qinnuteqarfigineqarsinnaavoq. Kingusinnerpaamik qinnuteqarfissaq tassaavoq

  • 20. december nal. 12:00 (Nunatsinni nal. naap.).

Annertunerusumik uani atuarit qinnutqarlutillu her.