Kodap Kulturikkut aningaasaliissutaasa qanoq atorneqarsimaneri pillugu ukiumoortumik nalunaarummi sukumiisumik ersersinneqarput

Ullumikkut siullerpaamik Koda ukiumoortumik nalunaarummik immikkoortumik saqqummersitsivoq Kodap kulturikkut aningaasaliissutaasa qanoq atorneqarsimaneri pillugit. Tassani ilaatigut atuarneqarsinnaavoq 76,7 mio. Kr.-it 2020-mi kulturikkut aningaasaliissutaasimasuni sunut atugassiatut immikkoortinneqarsimanersut, taakkunanilu suut immikkut isiginiarneqarsimanersut tamakkiisumik kulturikkut siuarsaanikkut atorneqarsimanersut takuneqarsinnaallutik.

Kodap kulturikkut aningaasaliissutaasa qanoq atorneqarsimaneri pillugit siullerpaamik Koda ukiumoortumik nalunaarummik saqqummersitsivoq . Ilaatigut ersersinneqarpoq ukioq 2020 tamakkingajallugu kulturikkut pikialaarneq uninngasimagaluartoq, suliarpassuillu kinguartittussanngorsimagaluartut, piumassuseq suliaqarusussuserlu unissimanngitsoq. Nuna tamakkerlugu Koda Kultur tamakkiisumik 8.654-nik qinnuteqarfigineqarsimavoq, 3.603-llu taperneqarsimallutik.

2020-mi kisitsisit pingaarnerit

  • 76,7 millionit atugassiatut
  • 50,2 millionit tapiissutitut
  • Qinnuteqartut 8.654-it
  • 603-it aningaasaliissutitut
  • 066 taperneqartut

Ukiumoortumik nalunaarummi kisitsisit amerlanerit (qallunaatut)

Aningaasatigut suminngaanneerfikkullu paasissutissat

Kodap kulturikkut 2020-mi aningaasaliissutigisimasaani 76,7 mio. Kr.-nit ataavartumik nukittuumik tamatigoortumillu siuarsaanikkut, pitsaassutsikkullu qaffasissumik siammasissumillu tapiissutitut aningaasaliissutitullu atorneqarsimapput. Aningaasat pulje-ni arlaliusuni Kodap ilaasortai, allallu nipilersornikkut suliaqartuusut qinnuteqarnissamut periarfissaqarput, nipilersornerup tamakkiisumik inuussutissarsiornikkut kulturikkullu politikkikkut suliaqarnermut iluaqutaasussanik.

Ukiumoortumik nalunaarutip aningaasaqarnikkut ingerlanerup avataatigut takuneqarsinnaalerput qanoq qinnuteqartut agguataarsimanersut, taperneqartullu arnaanersut angutaanersut, qanoq ukioqarnersut, suminngaanneernersullu. Takussutissaalerporlu Kodap 2020-mi Kulturikkut Aningaasaliissutaanut qinnuteqarsimasuni tamarmiusuni 33 procentii arnaasut, taperneqarsimasunilu tamakkiisuni 36 procentii arnaasimallutik, aningaasallu agguaanneqarsimasut 36 procentii arnanut agguarneqarsimallutik. Kiisalu takuneqarsinnaalerpoq qinnuteqartut 71 procentii illoqarfiup pingaarnersaaniit aamma eqqaaniittuneersuusimasut, taavalu taakkunani qinnuteqartuni 76 procentii taperneqarsimallutik.

Koda Kultur sunaava?

Kodap isertitaasa 10 procentii tikillugit ukiut tamaasa illikartinneqartarput kulturikkut siunertalinnut atugassianngorlugit, Kodap Kulturikkut aningaasaliissutaannik taallugit. Taakkuuppullu Kodap suliaani Koda Kulturimik taanikuusarput.

Kulturikkullu suliniuteqarneq Kodamiit, Kodallu suleqatigisartagaaniillu (DJBFA, DPA, Dansk Komponistforening og Musikforlæggerne) ingerlanneqartarpoq, tamarmik Kodap kulturikkut periusissiaa nik piviusunngortitseqataanissaminnut suleqataapput, tassaallunilu Koda Kulturimik suliaqarnerup tunngaviusumik aallaavigivaa.

 

 

UKIUMOORTUMIK 2020-MUT NALUNAARUT

 

UKIUMOORTUMIK AKIMUT ERSITTUMIK NALUNAARUT 2020