Koda Awards 2019

Apriilip naalernerani Koda Awards Sisimiuni Kulturip Illorsuani Taseralimmi ingerlanneqalerpat, kalaallit nipilersortartut persuarsiutigineqassapput.

Arfininngornermi 20. april Koda Awards agguaanneqarneranni, kalaallit nipilersornermik kulturiat Kodap nersorniarpaa. Arctic Sounds-festivalimut 18 – 22. april ingerlasussamut atatillugu nersornaasiisoqassaaq.

Nersornaasiinermut komité nunatsinni tusagassiuutineersunik kattuffinneersunillu ilaasortaqarpoq:  Andreas Poulsen, KNR, Noah Mølgaard, AG, Ejlert Knudsen, Katuaq kiisalu Nipilersortartut Kattuffiat NN sinnerlugu Nukannguaq Geisler.

2019imi nersornaasiinerit

Koda Awards 2019 ingerlanneqalerpat nersornaatit marluk tunniunneqassapput. Nersornaatit marluk tassaapput Ukioq Manna Nersornaat kiisalu Piginnaanilimmut Nersornaat. Nesornaatinut immikkut pingasut piukkunneqarput.

Ukioq manna Koda Awardsimut piukkunneqartut tassaapput:

Ukioq Manna Nersornaat 2019
  • Don Maliko - Malik Egede, albummi ’II’ pillugu
  • Yenso - Jens Ole Nathanielsen, albummi ’Perserartoq’ pillugu
  • Nick Ørbæk albummi ’Saappara’ pillugu 
Piginnaanilimmut Nersornaat 2019:
  • Sound of the Damned
  • Malu Rohmann
  • Hans-Ole Amossen

Koda Awards 2019 ingerlanneqassaaq Sisimiuni Kulturip Illorsuani Taseralimmi inersuarmi, arfininngorneq 20. april nal. 20:00.