Lautrupsgade-p tunuani qarmat qiviarlugit - ilisarititsinerit tulleriit, Koda-mi suleqataasunik arlalinnik ilinnut ilisarititsisarsarnissat. Ilisarititsisarnerit aqqutigalugit Lautrupgade-p iluani silarsuatsinnik takusaqarnerulissaatit aamma inuit ataasiakkaat ilisarinerulernissaannut periarfississavatsigit.
Matumuuna: Vibeke Bøgelund, Saqqummersitsivinnik ilaasortanillu sullissinermi, Saqqummersitsisarnermut siunnersorti.
Siorna ilaasortanik Nuummi ataatsimiisitsisoqarmat peqataavit? Taamaassimappat Vibeke naapereersimassavat, siorna ilaasortat ataatsimeeqataasut apeqqutaannik akissuteqartartuusoq.
Kodap Kalaallit Nunaanni ilaasortaannut Danmarkimi attaveqaataanermi saniatigut, Vibeke allarpaalussuarnik suliaqarpoq. “ilaasortanit saaffiginnissuterpassuit assigiinngeqisut, telefonikkut mailikkullu takkussuuttartut ulluinnarni suliarisarpakka. Aningaasaateqarfitsinnit Kollektive Båndmidlerinit aamma Nationale midlerinit taasartakkatsinnit aningaasaliissutissat isumagisarpakka, uppernarsaatit tigugaangakkit. Aamma Inunnguamut toqqaannartumik attaveqartarpunga, Koda-mit ikiorneqarnissaminik pisariaqartitsigaangat. Ilaanni aamma saaffiginnittarfimmi taartaasarpunga”, Vibeke Bøgelund oqaluttuarpoq, maanna ukiuni 24-ini Koda-mi sulisooreersimalersoq. “Suliakka assigiinngeqaat, ullut marluk assigiinngisaannarput, ullullu tamaasa nutaanik ilikkangaqartarpunga. Ilaasortatsinnik ilakkuminartunik oqaloqatiginnittarnerpassuakkut, angerlaraangama oqarsinnaasarpunga ullumissaaq allaffimmi ullorissaarsimallunga. Aamma nuannequtigiisarpaa ikinngutinnersunik pikkorissunillu suleqaterpassuaqarnera’, Vibeke Bøgelund naggasiivoq.
Vibeke Bøgelundimut sukkasuut pingasut:
Kodamiilinngikkallaravit sulerisuuit?
Bibliotekaritut ilinniarsimasuuvunga. Kodamiilinngikkallarama Karat Kaffe-p kaffiliaanik ussiisartuuvunga, aamma umiarsuaaqqami sivikitsumik igasuaraavunga, Rio de Janeiro-milu tammaviuttussarsiniartarfimmi pisiniartitsisuutsiarlunga.
Nipilersukkaat suut tusarnaartarpigit?
Assigiinngeqisunik tusarnaartarpunga – isumagissaarnera apeqqutaavoq, kisianni klassiskiunngisaannarput. Klassisk tusarnaartitsisarfinni tusarnaarneqartussaapput - angerlarsimaffimmiunngitsoq cykkilernermiluunniit.
Nipilersukkanik tusarnaarlutit misigisimasarni suna ilinnut nuannernerpaasimava?
Ukiorpassuit qaangiupput nipilersoqatigiit nuannarineqartut amerika kujallermeersut Københavnimiimmata, marlussoriarlutik tusarnaartitsiniarlutik. Unnuk nipilersunngiffiat piarinaatsoornikkut eqqoqqinnaarlugu grækerit neriniartarfeerannguanni taakku neriffigisaani nerivunga. Unnunnerulaalersoq saqisut ilaannik guitarimik atorput (aamma namminneq arlalinnik nassarunaramik), tusarnaartitsinerlu pikkunartorujussuaq pileriartuaarpoq, nerrivitsik kaajallallugu issiaannarlutik appisimaaramik – unnuup sinnera nuannisaannaveqaagut viinnituullutalu – inuillu nuannaaqaat.