Koda sukkasuumik

Qanoq iliortarnerput, nammineq qanoq iliussanersutit ilaasortaanermilu immikkoortunik pingaarnernik tamakkerlugit isiginnilluni apeqqutinnut akissutit sumi nassaarisinnaanerit atuaruk.

1. Pisinnaatitaafiit

Nipilersuutit atorlugu nipilersortoqaraangat erinniartutut, taalliortutut nipilersuutinillu saqqummersitsisartutut pisinnaatitaaffinnik aqutsisarpugut. Tamanna isumaqarpoq nipilersuusiatit tusarnaartitsinerni, radiomi tv-milu atorneqaraangata internetimiluunniit atorneqaraangata illit sinnerlutit nipilersuutinik atuisunut isumaqatigiissusortartugut.

Pisinnaatitaaffiitit suliffeqarfinnit assigiinngitsunit ingerlanneqarput, apeqqutaalluni pisinnaatitaaffiit suut pineqarnersut.

  • Eqqumiiutsuliortut pilersitsisartut nipilersuutinillu saqqummersitsisarfiit nipilersuutaat tamat tusarnaarsinnaasaannik nipilersorneqartaaranga, saqqummiinissamut pisinnaatitaaffiit Kodap ingerlattarpai. Eqqumiitsuliortut pilersitsisartut tassaapput nipilersuusiortartut taalliortartullu.
  • Eqqumiitsuliortut pilersitsisartut nipilesuutinillu saqqummesitsisarfiit maskiinatigut pisinnaatitaaffii NCB-p ingerlattarpai. Tassa tigussaasunik internetikkullu saqqummersitsinermut atatillugu immiussinermi siaruarterinermilu pisinnaatitaaffiit. Koda-mi ilaasortatut ingerlaannaq NCB-mi ilaasortanngorputit.
  • Nipilersukkat immiussat tamanut nipilersuutigineqaraangata eqqumiitsuliortut kiisalu suliffeqarfiit nipilersuusiortartut saqqummersitsinermi pisinnaatitaaffii Gramex-ip ingerlattarpai. Eqqumiitsuliortt tassaapput: Erinarsortut, nipilersortut suliffeqarfiillu immiussisartut.
2. Internetimiippugut

Atorfissaqartikkutsigut internetimiippugut, ilaasortanngorneq, nipilersuummik nalunaarsuineq, tusarnaartitsinermit nalunaarusiorneq imaluunniit Kodap Kalaallit Nunaanni kulturikkut aningaasaataanit aamma Kodap ataatsimut aningaasaatanit qinnuteqarneq pineqarpata.

  • Mit Koda tassaavoq Koda-mut nammineq isissutissat. Tassani nipilersukkatit nalunaarsorsinnaavatit, tusarnaartitsinerit pillugu oqaluttuarfigisinnaavatsigut kiisalu Koda-mit NCB-millu ilinnut akilerneqartut takusinnaallugit.
  • Koda.dk
    Koda.dk-mi piffissat akiliiffissat, immikkoortut akiliiffiit, nipilersuutinillu pisinnaatitaaffiit agguarneeqarnerannut malittarisassat atuarsinnaavatit. Aamma koda.dk-mi ilaasortatut nalunaarut, ilaasortanut aaqqissuinerit pillugit ilisimasat kiisalu Koda-p tamanut aningaasaataanit qinnuteqartarnerit pillugit paasissutissat takusinnaavatit.
  • Nutaasiassatigut ilaasortanut aaqqissuinerit, piffissat akiliiffissat, qinnuteqaateqarnissamut piffissaritat aamma Koda pillugu paasissutissat malinnaavigisinnaavatit, uani nutaarsiassanik pisartagaqarlerit.
3. Nipiatit uagutsinni nalunaarsukkitlersuusi

Nipilersuusiatit aningaasat nipilersukkanik atuisunit tigusagut qanoq agguaanneqarnissaannut tunngaviupput. Taamaammat nipilersuusiavit uagutsinni nalunaarsornissaat pingaaruteqarpoq. Nipilersuusiatit Mit Koda atorlugu nalunaarsukkit. Nalunaarsuinermi najoqqutassiat pillugit uani atuarsinnaavatit.

4. Tusarnaartitsinitit uagutsinnut nalunaarutigikkit

Radiomi, tv-mi internetimilu ingerlatsisunit arlalissuarnit nipilersukkanik atuinerit pillugu nalunaarutinik tigusaqartarpugut. Nalunaarutitigut tigusatsigut nipilersukkat suut atorneqarsimanersut paasisarparput.

Toqqaannartumik tusarnaartitsigaangavit tusarnaartitsinermi suut nipilersorneqarsimanersut nammineq Koda-mut oqaluttuarissavat. Tusarnaartitsinerit Mit Koda atorlugu nalunaarutigissavatit.

5. Akiliineq

Mit Koda-mi aamma koda.dk-mi ilinnut akilerneqartut malinnaavigikkit. Akiliigaangatta qanoq annertutigisunik ilinnut akiliinersugut akiliutit suut tigusimaneritit Mit Koda-mi takusinnaavatit. Ajoraluartumik ulloq akiliissaq sioqqullugu aningaasat amerlassusaannik paasissutissiinissatsinnik periarfissaqanngilagut.

6. Aningaasanik pisassaqarpit?

Imaassinnaavoq aningaasanik uagutsinnit pisassaqartutit! Ilisimagukku nipilersukkat atorneqartartorujussuaq, akilerneqarsimanngikkuillu pissutaasinnaavoq paasissutissaatitit nutartersimanngikkitit. Najukkavit, e-mailivit aningaaserivillu pillugu paasissutissaatitit uagutsinni ingerlaavartumik nutarternissaat isumagisaruk.

Apeqqutissat allat?

Koda-p Kalaallit Nunaanni siunnersortaa, Inunnguaq Petersen oqarasuaatikkut +299 56 42 24 (nal. 16.00-17.00 akornanni) mailikkuluunniit: fuzzi@greennet.gl attaviginissaanut tamatigut tikilluaqqusaavutit.

Allanik apeqqutissaqaruit uunga medlem@koda.dk allannissannut tikilluaqqusaavutit.