Erinniortoq, erinarsortartoq taalliortorlu Angu Motzfeldt 20-inilli ukioqarluni nipilersuusiortarnikuuvoq, kalaallillu qangali kulturiat peroriartornerata ilagalugu, tamatigullu guitarimik oqaluttartumillu tigoriaannagaqartarpoq. Ukiut arlallit qaangiupput Angu albumimik kingullermik saqqummersitsimmat. Maannamut pisoqarnikooqaaq – Angut ilaatigut assiliisartuuvoq, nipilersornerli unitsinngisaannarnikuuaa.
Foto: Jakob Dall
Angu erinarsuutinik nutaanik erinnanillu nutaanik nipaatsumik suliaqarnikuuvoq. Pitsanngoriartortinneqarsinnaasimapput ineriartortinneqarsinnaasimallutillu – avatangiisit qimallugit. Nipilesornerup tamakkiisumik ingerlateqqilernissaanut piffissanngorpoq – erinarsuutit saqqummiunneqassapput. Tusaaneqassapput. Immiunneqassapput. Angu siunertamut tassung Koda-p Kalaallit Nunaanut kulturimut aningaasaataanit tapiiffigineqarpoq.
Inuuneq, takorluukkat piviusullu pillugit erinarsuutit nutaat
Angup erinarsuutinik nutaanik maannakkut immiunneqartussanik suliaqarnini oqaluttuaraa: ”Asanninnerup, takorluukkat piviusullu akornanni akersuunneq pillugu erinarsuutit nutaajupput pisoqaallutillu. Ilaat siornatigut erinarsorneqarnikuupput immiunneqarnikuunatilli. Inuunitoqqamit nutaamik inuuneqalernermut ingerlariarneq pillugu erinarsuutaapput. Anguneqarsinnaanngitsunit anguneqarsinnaasunut, pilliuteqarluni ajugaanernut. Amerlanerit aallaqqaataanit unnuakkut igaffimmi allataapput erinarsorneqarlutillu.akutistikimik guitari arlalinnillu nipilerlugu. Silaannaq tamanna pulaffigaara, pissuseqqaavini, tunisassiorfiit maligassiaasa siorna takutitsineq”
Isumanerluuteqarneq qisuariaateqarnerlu
”1996-imiillit illoqarfik angerlarsimaffinniit Qaqortumiit Nuummut nukkama erinarsuusiortarnikuuvunga. Nipilersoqatigiinnut Century Schoolbook ilannguppunga, tassanilu Ole Kristiansen nipilersuusiortartuuvoq. Nuummi nipilersortartut siullermeerlunga naapippakka. Kingusinnerusukkut erinarsortartunut allanut erinarsuusiortalerpunga, soorlu Tupaarnaq Mathiassenimut filminullu erinarsuusiortarlunga assersutigalugu Eskimo Weekend aamm Nuummioq. Nipilersortarnera oqaluttuarissagukku oqassaanga, amerlanerni isumanerluuteqarneq qisuariaateqartarnerlu pineqarput. Talulittulli inissineqarsinnaanngillat, tassa erinarsuutit takuttartut aalajaatsuunngimmata, saqqummersinneqartilu aalajangersimasut pineqartarmata. Suna pineqavinnersoq immiutissallugu ajornakusoorpoq – ilaatigut tusarnaartitsivimmi iluatsittarpoq ilaatigullu iluatsittarani” Angu oqaluttuarpoq.
Kalaallit Nunaanni nipilersortarneq ineriartorpoq, sulili nunaavugut rockertartut
”Kalaallit Nunaanni nipilersornermi pisoqartorujussuunikuuvoq, popimiit rap aamma electronica ataatsimoortinnerannut. Aamma gypsy assigiinngitsunngorlugu nipilersortoqartalernikuuvoq, tusaallugulu iluaallannarpoq. Kalaallilli Nunaat nunaavoq rockertarfiusoq tamannalu ingerlaqqippq. Danskit nipilersortartut arlallit Nuummukartarput, tikikkaangatalu tikilluaqquneqarluartarput. Nammineq nunanit allaneersut allat takorusukkaluarpakka, soorlu Icelandic Airwaves-imi taamaaliortartut, aningaasalli apeqqutaannguatsiarput. Immaqa arlaanni illoqarfiit pingaarnersaanni nunat tamat akornanni mittarfittaarutta. Maanga angalanerit akisoorujussuupput, pingaartumik atortut nassassagaanni”, Angu nangippoq.
Suliniummi nutaami nutaat pisoqallu ataatsimoortinneqarput, ’marinerertinneqarnikuusut’
”Erinarsuutini nutaani suliarisanni erinarsuutit nutaat pisoqallu ataatsimoortinneqarput, marinerertinneqarnikut eqqarsaatigeqqinneqarnikuullutilluunniit. Piffissap ingerlanerani isumasioqatigiittarnitta kingorna periuseq eqqarsaatiginikuuarput, immikkoortut arlallit atorlugit albumimik saqqummersitsissalluta. Periuseq saqqummersitsinernit siullernit marlunnit allaaneruvoq, tassa nipit immiussat assigiinngitsut attaveqaqatigisartakkatsinnut suliassanngortinnikuugatsigit. Ilaat maani Nuummi immiuppagut, soorlu vokalit akustis guitarilu, filillu suliniummi peqataasunut allanut nassiuttarlugit. Imaassinnaavoq Montrealimi pissiariit siusinnerusukkut qarlortarlutik uannut immiussinikut imaluunniit Austinimi slideguitaristi. Aallaaviusorli taannaajuaannarpoq – qangatulli nipilersoriaaseq uanga nammineq pigisara’ Angu oqarpoq nangillunilu: ’Aarhusimiinnera nalaatsornerinnaavoq. Tassa nipilersortartut ilaat, danskit nunanilu allamiut, piffissami immiussiffissatsinni tassaniimmata. Montrealimiilluarsinnaasimavoq, tassani immiussat siulliit immiuppagut. Nipilersortartutut Kalaallit Nunaat ajornakusoorpoq, tassa angalanerit akisummata, erinarsuusiorfittulli nalissaqanngiaq” Angu oqaluttuarpoq.
Kodamit tapiissutit periarfissiipput
”Kodamit tapiissutit iluartorujussuupput, tassa piffissaq tamaat nipilersortuunissarput qaqutigoormat. Saniatigut suliffeqarpugut, nipilesornerullu samminissaanut piffissaqarnissaq pisariaqarpoq. Inigisamut akiliutissamut nerisassanullu aningaasat qulakkeerneqarpata tamatta takorluukkatta angunissaanut eqqarsartaasikkut nukissaqassaagut – nipilersuutinik saqqummersitsineq oqariartuuteqarnerlu. Taamaammat Kodap Kalaallit Nunaanni kulturimut aningaasaataanik qinnuteqartussanut matumuuna siunnersuutissaqarpunga – qinnuteqarnissamut piffissaqarluarit nipilersukkavillu suliarinissaanut piffissap marloriaataanik periarfissalerlutit” Angu naggasiivoq.
Kodap Kalaallit Nunaanni kulturimut aningaasai pillugit uani atuarit.
