1. Ber til at melda seg inn í Koda á netinum?
Ja, vit eru online, tá tú hevur tørv á okkum, uttan mun til um tað snýr seg um limaskap, skráseting av nýggjum verkum, konsertrapportering ella stuðulsumsókn.
At gerast limur í Koda kostar kr. 650 hjá orða-/tónasmiði og kr. 3.500 hjá tónleikaforlagi. Hetta er eitt eingangsgjald, sum verður rindað við innliman. Limaskapur er persónligur, so ein bólkur kann ikki gerast limur.
- Øll kunnu gerast limur í Koda uttan mun til tjóðskap og bústað.
- GG: Um tú ikki hevur eitt danskt cpr-nr., mást tú skriva fýra nullir aftaná tín føðingardag (-0000).
- Tá man gerst limur í Koda, verður man samstundis limur í NCB (Nordisk Copyright Bureau). NCB umsitur rættindini til innspæling og kopiering av tínum tónleiki.
2. Fái eg avrokning, tá eg spæli mín egna tónleik á einari konsert?
Ja, um talan er um eina almenna konsert, har fyriskiparin rindar til Koda. Koda metir um ein konsert er at meta sum almenn, áðrenn kravt verður inn fyri konsertina.
3. Skal eg rapportera, tá eg spæli tónleik hjá øðrum?
Ja, tú eigur altíð at minnast til at rapportera. Ikki bara tá tú spælir egnan tónleik, men eisini tá tú spælir tónleik hjá øðrum.